U Burusiya bwagabye igitero n’indege i Kiev babiri bahasiga ubuzima

U Burusiya bwagabye igitero n’indege i Kiev babiri bahasiga ubuzima

Igitero cy’Abarusiya mu ijoro ryo kuri uyu wa Kane kuri Kiev cyahitanye abantu babiri, nk’uko byatangajwe n’abayobozi bo mu nzego z’ibanze.

Babitangaje mbere y’inama y’umunyamabanga wa Leta zunze ubumwe za Amerika Marco Rubio na mugenzi we w’u Burusiya Sergei Lavrov, yibanda kuri dipolomasi ya Ukraine ifite ikibazo.

Nk’uko umuyobozi w’ubuyobozi bw’igisirikare cya Kiev, Timur Tkachenko abitangaza, ngo ingabo z’u Burusiya zagabye igitero nibura mu turere dutandatu tw’umurwa mukuru.

Ikibabaje ni uko imyanda iva mu bisasu yibasiye inyubako zo guturamo, ibinyabiziga, ububiko ndetse n’inyubako z’ibiro.

Timur Tkachenko yanditse ku rubuga rusange rwa Telegram ati: “Ikibabaje ni uko dufite impfu ebyiri na 13 bakomeretse. Aba bantu bishwe n’Abarusiya. “

Umuyobozi w’ubuyobozi bw’ingabo mu karere, Mykola Kalashnyk, yatangaje ko igitero cya nijoro cyagabwe ku karere ka Kiev cyari “kinini” kandi kimara amasaha agera ku icumi hakoreshejwe indege zitagira abapilote na misile.

Muri Keiv humvikanye ibisasu bikomeye mu mujyi ijoro ryose babona ibisasu bya rutura byafatiwe mu kirere n’ibibimira.

Nk’uko byatangajwe na Perezida wa Ukraine, Volodymyr Zelensky, u Burusiya bwarashe indege zitagira abadereva 400 na misile 18, agasaba ibihugu by’Iburengerazuba gufatira vuba Moscou ibihano bishya.”

Volodymyr Zelensky yatangaje ku mbuga nkoranyambaga, yagize ati: “Biragaragara ko u Burusiya bwongereye iterabwoba.”

Yongeyeho ati: “Ibihano bigomba gutangwa vuba kandi hagashyirwa igitutu ku Burusiya kikaba kigomba gukomera kugira ngo icyo gihugu cyumve neza ingaruka z’iterabwoba ryacyo.”

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27