U Buhinde: Umunyamakuru wari warashimuswe yabonetse ari umurambo

U Buhinde: Umunyamakuru wari warashimuswe yabonetse ari umurambo

Umunyamakuru w’Umuhinde witwa Mukesh Chandrakar, ufite imyaka 32 yabonetse yapfuye nyuma y’iminsi yaraburiwe irengero.

Umurambo wa Mukesh wakundaga gukora ku nkuru zivuga kuri ruswa mu Buhinde wavumbuwe mu kigega cy’ikigo cyubakaga umuhanda  muri Leta ya Chhattisgarh, mu Mujyi wa Bijapur nkuko byatangajwe n’ikinyamakuru BBC.

Nyuma yo kuburirwa irengero tariki ya 01 Mutarama, umuryango we wahise utanga ikirego kuri Polisi na yo itangira iperereza.

Polisi yavuze ko umurambo we wagararagayeho ibikomere bigaragara ko hari ababyihishe inyuma.

Mukesh Chandrakar yari umunyamakuru wigenga wakundaga gutangaza inkuru  kuri ruswa ivugwa mu mishinga y’ubwubatsi rusange, yanabaye Umuyobozi w’umuyoboro wa YouTube wamenyekanye nka ‘Bastar Junction’.

Nyuma y’urupfu rwe, akanama gashinzwe itangazamakuru mu Buhinde kasabye Guverinoma kubaha raporo ku byabaye.

Ibitangazamakuru byo mu Buhinde byavuze ko hari bamwe mu  bafashwe bakekwaho urupfu rw’uwo nmunyamakuru harimo na mubyara we.

Abanyamakuru banakoze imyigaragambyo basaba ko hafatwa ingamba zikomeye ku bakekwaho kuba baragize uruhare mu rupfu rwe.

Ubugizi bwa nabi bukorerwa abanyamakuru kuri ruswa ntibusanzwe mu Buhinde ariko muri Gicurasi 2022, Subhash Kumar Mahto, umunyamakuru wigenga uzwiho gutanga amakuru ku bagucukura umucanga mu buryo butemewe n’amategeko, yarashwe mu mutwe n’abagabo bane batamenyekanye ubwo yari hafi y’urugo rwe muri Bihar.

Inzego zishinzwe itangazamakuru n’abanyamakuru bigenga zitangaza abanyamakuru batatu cyangwa bane buri mwaka bicwa mu Buhinde  bazira akazi kabo, bigatuma iki gihugu kiza mu bishinjwa kuniga itangazamakuru bikanahohotera abanyamakuru.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27