U Bufaransa bwemeje umurwayi wa mbere wa Ebola

U Bufaransa bwemeje umurwayi wa mbere wa Ebola

U Bufaransa bwatangaje ko bwabonye umurwayi wa mbere wanduye icyorezo cya Ebola. Ni umuganga wari umaze iminsi mu butumwa bw’ubutabazi muri Repubulika Iharanira Demokarasi ya Congo (RDC).

Nk’uko Minisiteri y’Ubuzima y’u Bufaransa yabitangaje, uwo muganga yahise ajyanwa mu kigo cyihariye cyita ku barwayi b’indwara zandura zikomeye, aho ari kwitabwaho n’abaganga, kandi ubuzima bwe buhagaze neza.

Iki gihugu gitangaje ayo makuru nyuma y’uko muri Gicurasi 2026, RDC yatangaje ko hongeye kuboneka icyorezo cya Ebola, nubwo impuguke zivuga ko iyo ndwara ishobora kuba yari yaratangiye gukwirakwira ibyumweru byinshi mbere y’uko itangazwa ku mugaragaro.

Imibare iheruka igaragaza ko abantu barenga 260 bamaze guhitanwa na Ebola muri RDC, mu gihe abarenga 1 000 bamaze kwandura.

Abakozi bo mu rwego rw’ubuzima ni bamwe mu bafite ibyago byinshi byo kwandura Ebola bitewe n’uko baba bahora bahura n’abarwayi mu gihe babavura.

Amakuru y’umurwayi wa mbere wa Ebola mu Bufaransa aje mu gihe ibihugu byinshi bikomeje gukaza ingamba zo gukumira ko icyo cyorezo cyambuka imipaka, cyane cyane binyuze mu gukurikirana abantu baturutse mu bice byugarijwe n’iyi ndwara.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27