Tunisia: Rached utavuga rumwe n’ubutegetsi yakatiwe imyaka itatu

Tunisia: Rached utavuga rumwe n’ubutegetsi yakatiwe imyaka itatu

Ibiro ntaramakuru by’Abanyamerika Tunis Afrique Press (TAP) byatangaje ko urukiko rwo muri Tunisia rwakatiye umuyobozi w’abatavuga rumwe n’ubutegetsi Rached Ghannouchi igifungo cy’imyaka itatu.

Uyu mugabo yakatiwe kubera ibirego ashinjwa by’uko ishyaka rye rya Ennahda ryabonye imisanzu y’amahanga.

Kuri uyu wa 01 Gashyantare, TAP yavuze ko urukiko rw’ibanze rumenyerewe mu guca imanza z’amafaranga na ruswa rwaciye iri shyaka miliyoni imwe irenga y’amadorari rizira kwakira amafaranga y’amahanga.

Ni mu gihe umukwe wa Ghannouchi Rafik Abdessalem wahoze ari Minisitiri w’Ububanyi n’Amahanga, nawe yakatiwe igifungo cy’imyaka itatu.

Uwahoze ari Perezida w’Inteko Ishinga Amategeko ya Tuniziya, Ghannouchi w’imyaka 82, yatawe muri yombi umwaka ushize akatirwa igifungo cy’umwaka umwe ashinjwa gushishikariza abantu amacakubiri.

Imiryango iharanira uburenganzira bwa muntu yamaganye ifungwa rya Ghannouchi, ishinja Guverinoma ya Perezida Kais Saied gukandamiza abatavuga rumwe n’ubutegetsi bwe.

Umwaka ushize kandi Ghannouchi yahawe igihano adahari kubera ko yanze kwitaba urukiko, avuga ko ibyo aregwa ari ibya politiki.

Perezida Kais Saied yatowe mu 2019, yahoze ari umwarimu w’amategeko yasheshe Inteko Ishinga Amategeko ya Tunisia mu 2021, nyuma mu mpera za 2022 haza gukorwa amatora y’Abadepite yaranzwe n’ubwitabire buke.

Mu myaka yagiye itambuka, Tunisia yagiye ita muri yombi benshi mu bakomeye batavuga rumwe n’ubutegetsi bwa Saied.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27