Trump yateguje Putin ishyano nakomeza kwinangira nyuma y’ibiganiro

Trump yateguje Putin ishyano nakomeza kwinangira nyuma y’ibiganiro

Perezida wa Leta Zunze Ubumwe za Amerika, Donald Trump akomeje kotsa igitutu Perezida w’u Burusiya, Vladimir Putin kubera intambara ahanganyemo na Ukraine, amuburira ibizamubaho natanyurwa n’ibiganiro by’amahoro biteganyijwe i Moscow.

Trump yavuze ko ateganya kuvugana na Putin mu minsi iri imbere ariko yongeraho ko azi neza ubushobozi bwe ku rugamba.

Yavuze ko nta butumwa bwihariye agenera Putin ariko azi uruhande ahagazemo bityo ashobora kuzafata umwanzuro mu buryo bwe cyangwa ubundi ariko ateguza ko nikitanyura impande zombi hazabaho akaga gakomeye.

Yagize ati: “Icyemezo cyose azafata kizatunyura cyangwa nticyitunyure. Nikitanyura muzabona ibizaba.”

Aya magambo ya Trump aje nyuma y’uko Putin avuze ko yiteguye guhura na mugenzi we wa Ukraine, Volodymyr Zelensky, i Moscow.

Putin yavuze ko Moscow izagera ku ntego zayo muri Ukraine mu buryo bw’intambara mu gihe amasezerano y’amahoro azaba adashoboye kugerwaho.

Minisitiri w’Ububanyi n’Amahanga wa Ukraine, Andrii Sybiha, yavuze ko ibyifuzo bikomeye ibihugu by’i Burayi bifite ari ukurangiza intambara kandi Zelensky yiteguye kwitabira ibiganiro igihe icyo ari cyo cyose.

U Burusiya bwavuze ko amasezerano ayo ari yo yose agomba gutuma bugumana  ubutaka bwigaruriye mu turere twose kuva mu mwaka wa  2022 nubwo Ukraine itigeze ibyemera byeruye.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27