Timaya yahamije ko agiye gutaramira mu Rwanda

Timaya yahamije ko agiye gutaramira mu Rwanda
Timaya yemeje ko agiye gutaramira mu Rwanda

Umuhanzi w’Umunya-Nigeria, Inetimi Timaya Odon wamenyekanye mu muziki nka Timaya, yashimangiye ko agiye kuririmbira mu Rwanda mu gitaramo ‘Kigali Jazz Junction’ gitegurwa na RG Consults.

Uyu muhanzi yabihamije abinyujije kuri Twitter ye aho yahaye abanyarwanda ko agiye kuza kubaririmbirataliki ya 25 Werurwe, abasaba kugura amatike ari benshi.

Timaya agiye kubimburira abandi mu bitaramo bya Kigali Jazz Junction byari bimaze imyaka ibiri bitaba, kubera icyorezo cya COVID-19 cyari cyugarije Isi cyane.

Timaya ari mu bahanzi batatu bari bashyizwe ku rubuga rwa Kigali Jazz Junction ari kumwe na Buju ugezweho muri Nigeria banafitanye indirimbo bise ‘Cold Outside’ ndetse na Mbosso, aba ari we abakunzi ba Kigali Jazz Junction bahitamo ko azaza kubataramira.

Umuhanzi Okkama uri mu bagezweho muri iyi minsi kubera indirimbo ‘Iyalla’, byemejwe ko azaririmbana na Timaya mu gitaramo cye mu Rwanda.

Igitaramo cya Kigali Jazz Junction cyaherukaga kuba ku 28 Gashyantare 2020, Icyo gihe Joeboy wo muri Nigeria ni we waririmbiye abitabiriye afatanyije na Davis D na Niyo Bosco.

Timaya witezwe mu minsi iri imbere, ni umwe mu bahanzi bamaze igihe bakunzwe cyane mu muziki muri Afurika. Yatangiye umuziki mu 2005.

Yamenyekanye mu ndirimbo zirimo iyitwa “Bum Bum”, “Sanko”, “Dance” yahuriyemo Rudeboy, “I Like The Way”, “Balance”, “Bang Bang”, “Woyo”, “Don Dada”, “Money” ye na Flavour, “Telli Person” yahuriyemo na Phyno na Olamide, “Gra Gra”, “Cold Outside” iri mu zigezweho muri iki gihe yahuriyemo na Buju n’izindi.

Uyu mugabo w’imyaka 41 ni we washinze Label ya DM Records Limited ari na yo yazamukiyemo abahanzi nka Patoranking na Runtown. Mu 2017 yasinyishije King Perryy uri mu bakiri kuzamuka.

Aririmba injyana zirimo Dancehall, Raggae, Hip-Hop, Afrobeats, na Soca.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27