Thomas Müller yasezeye kuri Bayern Munich amazemo Imyaka 25

Thomas Müller yasezeye kuri Bayern Munich amazemo Imyaka 25

Umunyabigwi wa Bayern Munich, Thomas Müller, yatangaje ko mu mpera z’umwaka w’imikino wa 2024/2025, azatandukana n’iyi kipe amazemo imyaka 25.

Umuyobozi wa Bayern Munich, Max Eberl, yavuze ko ibi byakozwe mu rwego rwo kubaka ahazaza.

Ati “Iki cyemezo cyarumvikanaga kandi cyoroshye. Impamvu ni uko turajwe inshinga n’ahazaza.”

Müller we yavuze ko byari iby’agaciro gukinira iyi kipe, yiyemeza kuzayisigira UEFA Champions League cyane ko umukino wa nyuma uzabera i Munich.

Ati: “Imyaka 25 nk’umukinnyi hano izarangira muri iyi mpeshyi. Rwari urugendo rudasanzwe, nishimiye gukina mu ikipe yanjye nkunda. Tuzatanga byose kugira ngo tuzagarure Champions League cyane ko izanabera mu mujyi wacu.”

Uyu rutahizamu w’imyaka 35 amaze kuyikinamo imikino 743, yatsinzemo ibitego 247, anatanga imipira yavuyemo ibindi 273.

Batwaranye ibikombe 33 birimo 12 bya Shampiyona, iby’igihugu bitandatu, UEFA Champions League ebyiri, UEFA Super Cup ebyiri na Super Cup y’u Budage umunani n’ibindi.

Thomas Müller yegukanye UEFA Champions League ebyiri
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27