Thailand: Urukiko rweguje Minisitiri w’Intebe kubera ubugambanyi

Thailand: Urukiko rweguje Minisitiri w’Intebe kubera ubugambanyi

Paetongtarn Shinawatra wahoze ari Minisitiri w’Intebe wa Thailand yemeye imyanzuro y’Urukiko rushinzwe kurinda Itegeko Nshinga rwamweguje.

Ni nyuma yuko yagiranye ibiganiro kuri telefone na Perezida wa Sena wa Cambodia, Hun Sen byafashwe nk’ubugambanyi kuko ibyo bihugu bidacana uwaka.

Ikinyamakuru BBC cyatangaje ko Paetongtarn yumvikanye muri ibyo biganiro yita Hun Sen, Nyirarume anajora igisirikare cya Thailand.

Urukiko rushinzwe kurinda Itegeko Nshinga muri Thailand rwemeje ubwegure bwe nyuma y’ibirego by’Abasenateri byagaragaje ko ibyo yakoze binyuranyije n’amahame agenga ubunyangamugayo, kandi bisenya  icyubahiro cy’Ingabo z’Igihugu mu gihe hari umwuka mubi ku mupaka wa Thailand na Cambodia.

Urukiko rwemeje kandi ko ibyo yakoze byatumye abaturage batakariza Ingabo icyizere mu gihe babona umwuka mubi utarahosha ku mupaka uhuza ibihugu byombi.

Paetongtarn yari yarigeze kuvuga ko ibyo biganiro bitari ibyo gupfobya ahubwo bwari uburyo bwo kwiganirira ndetse mu kiganiro kigufi n’abanyamakuru yavuze ko azakomeza kuba inyangamugayo no guharanira inyungu z’abenegihugu.

Paetongtarn akaba abaye umuyobozi wa gatanu muri icyo gihugu   kuva mu mwaka 2008 wegujwe n’Urukiko.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27