Tennis: Rafael Nadal yemeje ko atazitabira US Open

Tennis: Rafael Nadal yemeje ko atazitabira US Open

Umunya Espagne Rafael Nadal yatangaje ko atazakina irushanwa rya Tennis ribera muri Leta Zunze Ubumwe z’Amerika “US Open” kubera ko adashobora kwitwara neza ku kigero yifuza.

Ibyo yabitangaje ku wa Gatatu tariki 7 Kanama 2024 abinyujije mu Butumwa yashyize ku rubuga rwa X yahoze ari Twitter, Nadal yavuze ko US Open ari ahantu afite ibihe byiza ahora azirikana.

Yongeyeho ati: “Nzakumbura amajoro adasanzwe n’imyitozo yo muri New York.”

Irushanwa ry’uyu mwaka rizatangira tariki 26 Kanama kugeza tariki 8 Nzeri 2024.

Nadal aheruka gutsindwa na Novak Djokovic mu Mikino Olempike, agera muri ¼ cy’iyo mikino ari kumwe na Carlos Alcaraz mu bakina ari babiri, yakinnye US Open inshuro imwe kuva mu 2019.

Rafael Nadal yatwaye ibikombe 22 by’amarushanwa ane akomeye muri Tennis [Grand Slam] birimo bine bya US Open.

Yavuze ko ateganya kuzongera gukina muri Laver Cup izabera i Berlin muri Nzeri.

Nubwo yari yigeze kuvuga ko ashobora gusezera gukina muri uyu mwaka, mbere yo gukina French Open, Nadal yavuze ko atazi neza 100% niba ari ubwa nyuma azaba akinnye muri Roland Garros.

Us Open ibaye irushanwa rya gatatu Rafael Nadal yikuyemo muri uyu mwaka harimo Australian Open yabaye muri Mutarama kubera imvune ndetse ntiyakina Wimbledon yabereye mu Bwongereza kugira ngo abashe kwitegura neza Imikino Olempike.

Rafael Nadal aheruka kwegukana US Open mu 2019
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27