Tennis: Carlos Alcaraz yisubije French Open ya 2025 (Amafoto) 

Tennis: Carlos Alcaraz yisubije French Open ya 2025 (Amafoto) 

Umunya-Espagne Carlos Alcaraz yegukanye Irushanwa rya Roland Garros (French Open) mu bagabo nyuma yo gutsinda nimero ya mbere ku Isi muri Tennis, Jannik Sinner aturutse inyuma amaseti 3-2 (4-6, 6-7, 6-4, 7-6, 7-6). 

Uyu mukino wa nyuma wamaze amasaha atanu n’iminota 29 wabaye ku Cyumweru tariki 8 Kamena 2025, kuri Court Philippe Chartier i Paris mu Bufaransa.

Jannik yatangiye umukino neza atsinda amaseti abiri ya mbere (4-6, 6-7). Nyuma Alcaraz yajyanye imbaraga zikomeye mu iseti ya gatatu n’iya kane arazitsinda (6-4, 7-6) bombi banganya ebyiri bityo hitabazwa iya gatanu.

Uyu Munya-Espagne usanzwe uzi gukinira cyane ku bibuga by’itaka yongeye kugaragaza ko ari ibye koko, atsinda n’iseti ya gatanu (7-6).

Umukino warangiye Carlos Alcaraz atsinze Jannik Sinner amaseti 3-2 (4-6, 6-7, 6-4, 7-6, 7-6) yongera kwegukana Roland Garros yatwaye mu mwaka ushize.

Carlos yegukanye Grand Slam ya 5 harimo French Open ebyiri, Wimbledon yegukanye mu 2023 na US Open yatwaye mu 2022.

Jannik Sinner yatangiye umukino neza atsinda amaseti abiri ya mbere

Mu bagore irushanwa ryegukanywe n’Umunyamerika Coco Gauff, nyuma yo gutsinda nomero ya mbere Aryna Sabalenka amaseti 2-1 (6-7 (5-7), 6-2, 6-4).

Carlos Alcarz yisubije Roland Garros 2025
Carlos Alcaraz yongeye kwerekana ko azi gukinira ku bibuga by’itaka
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27