Tanzania yahawe kwakira CECAFA Kagame Cup 2024 

Tanzania yahawe kwakira CECAFA Kagame Cup 2024 

Impuzamashyirahamwe y’Umupira w’Amaguru muri Afurika y’Iburasirazuba no Hagati (CECAFA) yatangaje ko irushanwa rya CECAFA Kagame Cup 2024 rizabera muri Tanzania guhera tariki 20 Nyakanga kugeza tariki 4 Kanama 2024.

Kuri uyu wa Kabiri tariki 14 Gicurasi 2024, ni bwo Umuyobozi Mukuru wa CECAFA, Auka Gecheo, yemeje ko iri rushanwa rigiye ko ngera gukinwa nyuma y’imyaka ibiri ridakinwa binyuze mu ibaruwa yandikiye abanyamuryango bayo.

Yagize ati: “Twishimiye ko iri rushanwa rigarutse nyuma y’imyaka ibiri kugira ngo ritange imyiteguro myiza ku makipe mbere y’uko itangira imikino Nyafurika ya CAF Champions League, CAF Confederations Cup ndetse n’imikino ya Shampiyona iwabo mu rugo.” 

Iri rushanwa rizitabirwa n’amakipe 16 arimo 12 yatwaye ibikombe bya shampiyona imbere mu gihugu byayo aturutse mu ibihugu 12 bigize CECAFA ndetse n’andi makipe ane azatumirwa. 

Muri 2023 iri rushanwa ntibyabaye kubera ko ubuyobozi bwa CECAFA bwatangaje ko butabonye umwanya uhagije wo kuritegura.

CECAFA Kagame Cup iheruka kuba mu 2021 aho yegukanywe na Express yo muri Uganda nyuma yo gutsinda igitego 1-0 Nyasa Big Bullets FC yo muri Malawi, yari yatumiwe muri iyo mikino yabereye i Dar es Salaam muri Tanzania. 

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27