Tanzania: Uwahoze ari Ambasaderi usigaye anenga ubutegetsi yashimuswe

Tanzania: Uwahoze ari Ambasaderi usigaye anenga ubutegetsi yashimuswe

Humphrey Polepole wahoze ari Ambasaderi wa Tanzania muri Cuba ariko ubu akaba asigaye anenga ubutegetsi yashimuswe n’abantu bataramenyekana nkuko byatangajwe n’abo mu muryango we.

Umuvandimwe wa Polepole yatangarije BBC ko yashimuswe mu masaha y’igitondo cyo kuri uyu wa Mbere bamusanze aho yari atuye mu Mujyi i Dar es Salaam.

Yavuze ko yagiye iwe aho yari atuye asanga urugi rw’inzu rwamenaguritse, insinga z’umuriro w’amashanyarazi zicagaguye ndetse hari amaraso menshi mu nzu.

Mu mashusho yafashwe akanakwirakwizwa ku mbuga nkoranyambaga yagaragaje aho yashimutiwe huzuye amaraso.

Umuryango wa Polepole watangaje ko wahise utanga ikirego nyuma yo kugera mu rugo rwe mu gihe Umuyobozi wa polisi mu Mujyi wa   Dar es Salaam, Jumanne Muliro, yavuze ko bari gukurikirana iby’iryo shimutwa kugira ngo hamenyekane icyabaye n’ababigizemo uruhare.

Umuvugizi wa Polisi y’Igihugu, David Misime yemeje ko babonye ayo makuru yasakaye ku mbuga nkoranyambaga   bakaba batangiye iperereza.

Humphrey Polepole yeguye ku mirimo ye yo kuba Ambasaderi mu ntangiriro z’uyu mwaka nyuma yo kunenga Leta ku mugaragaro avuga ko atashoboraga gukomeza gukorera ubuyobozi budaha agaciro ubutabera, amategeko n’amahame y’Itegeko Nshinga.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27