Tanzania: Imodoka zagonganye biteza  inkongi yahitanye abarenga 30

Tanzania: Imodoka zagonganye biteza  inkongi yahitanye abarenga 30

Nibura abantu 38 ni bo bamaze kubarurwa ko baguye  mu mpanuka y’imodoka zagonganye  bigakurikirwa n’inkongi y’umuriro yazitwitse zombi zigakongoka mu mpanuka yabereye i Sabasaba mu Ntara ya Kilimanjaro muri Tanzania.

Iyo mpanuka yagonganishije imodoka ntoya n’inini mu ijoro ryo ku wa 28 Kamena 2025, nyuma y’uko imwe muri zo ibuze feri ikagonga indi zigahita zishya abagera kuri 28 bakahakomerekera.

Mu itangazo ryashyizwe ahagaragara na Perezidansi ya Tanzania kuri uyu wa 29 Kamena yavuze ko abantu 38 bahasize ubuzima ariko bitewe no gukongoka gukabije kw’imibiri 36 muri yo itaramenyekana.

Perezida wa Tanzania, Samia Suluhu Hassan yihanganishije imiryango yabuze ababo, anifuriza gukira vuba abakomeretse.

Yasabye abatwara ibinyabiziga  kubahiriza amategeko agenga imikoreshereze y’umuhanda kuko impanuka zikomeje kwibasira benshi muri icyo gihugu.

Raporo yashyizwe ahagaragara n’Ishami ry’Umuryango w’Abibumbye ryita ku Buzima (OMS) mu 2018, yagaragaje ko hagati y’abantu 13,000- 19,000 bishwe n’impanuka zo mu muhanda mu 2016 muri icyo gihugu mu gihe Aljazeera yatangaje ko  imibare ya Guverinoma igaragaza abantu  3,256 gusa.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27