Syria: Abantu hafi 100 barimo n’abasirikare baguye mu bitero by’inyeshyamba

Syria: Abantu hafi 100 barimo n’abasirikare baguye mu bitero by’inyeshyamba

Umutwe w’inyeshyamba wa   Hay’et Tahrir al-Sham, (HTS), wagabye  igitero mu ijoro ryakeye  mu ntara ya Aleppo cyasize gihitanye abarenga ijana birimo abasirikare n’inyeshyamba, mu gihe zanasize  zifashe uduce   icumi twagenzurwaga n’ingabo z’igihugu.

Inyeshyamba zambuye igisirikare cy’igihugu intwaro ndetse n’imodoka zihita zitangira kubikoreha mu ntambara nkuko byatangajwe n’ikinyamakuru Aljazeera.

Amakuru avuga ko umuryango uharanira uburenganzira bwa muntu muri Syria, (Syrian Observatory for Human Rights – SOHR), watangaje ko inyeshyamba n’abasirikare bagera ku ijana bapfiriye mu mirwano.

Bavuze ko abasirikare 37 mu ngabo za Syria birimo abofisiye bishwe mu gihe abandi hataramenyekana amapeti yabo na bo bapfuye, batanu bafashwe bugwate n’inyeshyamba ndetse bamburwa intwaro ziremereye.

Ingabo za HTS kandi zanagabye ibitero ku kibuga cy’indege cya al-Nayrab mu burasirazuba bwa Aleppo, ahari ibirindiro by’abarwanyi bashyigikiwe na Irani.

HTS ni umutwe uvugwaho ibikorwa by’iterabwoba, aho bishimangirwa na Leta Zunze Ubumwe z’Amerika, umaze igihe kinini ugabwaho ibitero n’ingabo za Leta ya Syria n’iz’u Burusiya bifatanyije.

Uyu mutwe wahoze ukorana bya hafi n’umutwe w’iterabwoba wa Al-Qaeda gusa biza guhagarika imikoranire mu myaka mike ishize, uhindura imikorere utangira kwigira nk’itsinda riharanira impinduka mu gihugu ushinga ibirindiro mu Majyaruguru y’Uburengerazuba bwa Syria, ari naho hari ibice byinshi wigaruriye.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27