Sudani y’Epfo: Abapolisi b’u Rwanda basuwe n’ubuyobozi bwa UNMISS

Sudani y’Epfo: Abapolisi b’u Rwanda basuwe n’ubuyobozi bwa UNMISS

Umuyobozi wungirije w’abapolisi bari mu butumwa bwo kubungabunga amahoro muri Sudani y’Epfo Brig. Gen. Mutasem Almajal kuri uyu wa Kabiri tariki ya 15 Gashyantare yasuye abapolisi b’u Rwanda bari mu butumwa bwo kubungabunga amahoro  muri Sudani y’Epfo bari i Malakal mu Ntara ya Upper Nile abashimira umuhate n’ubunyamwuga aho bari mu mirimo yo kubungabunga amahoro muri iki gihugu.

Dr. Mutasem yakiriwe n’umuyobozi w’itsinda ry’abapolisi bari muri iyi Ntara Chief Superintendent of Police (CSP) Faustin Kalimba, amusobanurira ibijyanye n’inshingano bakora.

Uyu muyobozi yanasuye inkambi ya Malakal ibamo abaturage bakuwe mu byabo n’intambara, iyi nkambi ikaba irindwa n’abapolisi ndetse n’ingabo z’u Rwanda. Yabashimiye uburyo babungabunga amahoro y’abatatanyijwe n’intambara abashishikariza gukorana neza n’abandi bapolisi bari mu butumwa bwihariye muri iki gihugu (IPOs).

Yagize ati: “Mukomeze kurangwa n’umurava wanyu kugira ngo musigasire isura ya Polisi y’u Rwanda yubatse mu butumwa bw’umuryango w’abibumbye. Mukorane bya hafi n’abapolisi b’umuryango w’abibumbye bari mu butumwa bwihariye kugira ngo mwese musohoze neza inshingano zanyu.”

Iri tsinda ry’abapolisi b’u Rwanda rigizwe n’abapolisi 240, ni rimwe mu matsinda abiri ya Polisi y’u Rwanda bari mu butumwa bw’umuryango w’ibibumbye muri Sudani y’Epfo.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27