Somalia: Umuyobozi w’umutwe w’iterabwoba wa ISIL yafashwe

Somalia: Umuyobozi w’umutwe w’iterabwoba wa ISIL yafashwe

Polisi ya Somalia yatangaje ko yafashe Abdirahman Shirwac Aw-Saciid, Umuyobozi mukuru w’umutwe w’iterabwoba wa Islamic States, (ISIL) muri Somalia afatiwe muri Leta ya Puntland mu Majyaruguru y’u Burasirazuba.

Inzego za Leta zatangaje ko Abdirahman Shirwac Aw-Saciid yafashwe nyuma y’urugamba rumaze igihe kinini ingabo za Leta zirwanya imitwe y’iterabwoba.

Ejo ku wa Mbere, umuyobozi wa Polisi muri Puntland, Abdikadir Jama Dirir, yemeje ifatwa rya Aw-Saciid, uzwi ku izina rya “Laahoor”, wateraga ubwoba abacuruzi bo muri ako gace kugira ngo batange amafaranga mu nyungu za ISIL.

Ikigo cy’igihugu cy’itangazamakuru muri Somalia, SONNA, ejo ku wa 03 Gashyantare 2025 cyatangaje ko umutwe wa ISIL yari ihanganye n’ingabo z’igihugu mu misozi ya Cal Miskaad,aho wagabweho ibitero by’indege z’intambara.

ISIL, umutwe ugendera ku mahame y’idini ya Isilamu mu myaka ishize wagabye ibitero bikomeye byatumye utinywa ndetse n’abarwanyi bayo bariyongera baturutse mu bihugu by’amahanga.

Igitero giheruka gikomeye cyagabwe ku kigo cya gisirikare mu Kuboza umwaka ushize aho uyu mutwe wavuze ko wakoresheje imodoka ebyiri ariko abasesengura iby’umutekano bavuga ko cyakoranywe ubuhanga bukomeye.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27