Seribiya: Abadepite barwaniye mu Nteko Ishinga Amategeko batatu barakomereka

Seribiya: Abadepite barwaniye mu Nteko Ishinga Amategeko batatu barakomereka

Abadepite batatu bakomerekeye mu Nteko Ishinga Amategeko ya Serbiya umwe muri bo arakomereka bikabije nyuma y’akavuyo katumye abari mu nteko barwana baterana ibyuka biryana mu maso, amagi, ibiturika ndetse n’amacupa.

Ikinyamakuru CNN cyatangaje ko ejo ku wa Kabiri byari biteganyijwe ko Abadepite batora itegeko ryongera ingengo y’imari ishyirwa mu mashuri ya za kaminuza ariko amashyaka atavuga rumwe n’ubutegetsi yavuze ko umubare munini w’abari ku butegetsi uteganya kwemeza ibindi byinshi.

Bavuze ko ibyo bitemewe kuko Abadepite bagomba kubanza kwemeza ubwegure bwa Minisitiri w’Intebe, Minisitiri Milos Vucevic n’abagize Guverinoma ye.

Iyo myivumbagatanyo yadutse nyuma y’isaha Inteko itangiye, bituma Abadepite batavuga rumwe n’ubutegetsi bavuza amafirimbi bafata ibyapa  byanditseho ko ubutegetsi bugomba kuvaho, ndetse hanze y’Inteko Ishinga Amategeko hari amagana y’abantu babashyigikiye.

Amashusho yakwirakwijwe ku mbuga nkoranyambaga yerekanye Abadepite baterana ingumi, batera ibyuka biryana mu maso, amagi ndetse n’amacupa y’amazi.

Nyuma y’iyo mirwano abayobozi bavuze ko abantu batatu bakomerekeye muri izo mvururu, barimo; Jasmina Obradovic wajyanywe mu bitaro yakomeretse bikabije.

Umuvugizi w’Inteko Ishinga Amategeko, Ana Brnabic, yashinje abatavuga rumwe n’ubutegetsi kuba ‘agatsiko k’iterabwoba’, ndetse Minisitiri w’Ingabo, Bratislav Gasic, yavuze ko abihishe inyuma y’izo mvururu ari agasuzuguro kuri Seribiya.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27