Sandra Teta agiye kuyobora ibirori bya Iwacu Heza

Sandra Teta agiye kuyobora ibirori bya Iwacu Heza

Umunyarwandakazi Teta Sandra uzwi cyane mu myidagaduro ya Uganda akaba n’umugore w’umuhanzi Weasel yatangajwe nk’uzayobora ibirori bikomeye bya Iwacu Heza biteganyijwe i Kampala.

Ibirori bya ‘Iwacu Heza’ bigamije guhuza no kwerekana umuco w’Abafumbira, n’Abarundi baba muri Uganda bikazarangwa n’ibikorwa bitandukanye birimo umuziki, imbyino gakondo n’ibindi bikorwa byose bigaragaza ishusho y’umuco n’inkomoko.

Abategura icyo gitaramo kigiye kuba ku nshuro ya cyenda, batangaje ko Teta Sandra ari we uzakiyobora mu gihe amaze iminsi agiranye amakimbirane n’umugabo we Weasel, bimuviramo kumugonga avunika amaguru, bituma benshi bavuga ko gishobora kutazitabirwa bitewe n’uko hari bamwe mu bakunzi b’uwo muhanzi bakimurakariye.

Nubwo ari uko bimeze, ariko Teta Sandra aherutse gusaba imbabazi umugabo we Weasel hamwe n’umuryango ku bwo kwemera akaganzwa n’umujinya bikamuviramo kumugonga, uko guca bugufi byatumye ababarirwa maze bagaragara we na Weasel bishimanye.

Ni ibirori bizataramamo ibyamamare bitandukanye birimo uri mu bahanga bavanga imiziki mu Rwanda DJ Flixx, Gloria Bugie, Feffe Bussi hamwe na Laika.

Biteganyijwe ko ibyo birori bizabera kuri UMA Show Grounds iherereye muri Lugogo, ku wa Gatandatu tariki 23 Kanama 2025.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27