Ruti Joel yasabye urubyiruko kwima amatwi ababyeyi bamunzwe n’ingengabitekerezo ya Jenoside

Ruti Joel yasabye urubyiruko kwima amatwi ababyeyi bamunzwe n’ingengabitekerezo ya Jenoside

Umuhanzi Ruti Joel yageneye urubyiruko ubutumwa bwo kwirinda ingengabitekerezo ya Jenoside bakima amatwi ababyeyi bayibatoza, kugira ngo bubake Umunyarwanda udafite umwanda mu bitekerezo.

Abinyujije ku mbuga nkoranyambaga ze kuri uyu wa Gatanu tariki 11 Mata 2025, yavuze ko ubutumwa bwe yumva yabugenera urubyiruko.

Yanditse ati: “Kuri iyi nshuro ya 31 twibuka Jenoside yakorewe Abatutsi, ubutumwa ntanga ni ku rubyiruko: Mwirinde ingengabitekerezo ya Jenoside aho yaturuka hose, ntimurangare cyangwa ngo hagire ubashuka haba ku mbuga nkoranyambaga cyangwa mu rugo.”

Akomeza agira ati: “Ababyeyi bamunzwe n’ingebitekerezo ya Jenoside mubime amatwi rwose kugira ngo twubake Umunyarwanda udafite umwanda mu bitekerezo, u Rwanda twifuza.”

Uyu muhanzi avuze ibi mu gihe amaze iminsi afatanyije na Gihoza Credo Santo gusubiramo Indirimbo ‘Ese mbaze nde’ ya Nyiranyamibwa Suzana, kuko yayishyize ku rubuga rwe rwa YouTube tariki 9 Mata 2025.

Ni indirimbo isoza ihumuriza abarokotse Jenoside yakorewe Abatutsi, ishimangira gahunda y’Ubumwe bw’Abanyarwanda n’ubudaheranwa.

Aho igira iti: “Abacu Imana irabafite, twirinde kwiheba ni bibi turwanye urwango dutsinde ishavu.”

Ruti avuga ko asubiramo iyi ndirimbo yifuzaga kwifashisha amagambo ayikubiyemo akomeza Abarokotse Jenoside yakorewe Abatutsi mu 1994 babuze ababo.

Sangiza abandi iyi nkuru
Ibitekerezo 1
sam

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27