Rusizi: Arakekwaho gutwika ishyamba rya Leta agahita atoroka

Rusizi: Arakekwaho gutwika ishyamba rya Leta agahita atoroka

Umugabo wo mu Kagari ka Gatereri, Umurenge wa Butare, Akarere ka Rusizi, arashakishwa n’ubuyobozi bufatanyije  n’inzego z’umutekano, akekwaho gutwika hegitari 2 z’ishyamba rya Leta ngo aratwika ibiyorero. 

Iryo shyamba ryahiye ni irihuriweho n’Umurenge wa Butare ndetse n’uwa  Gikundamvura igice cya Gikundamvra mu Kagari ka Mpinga kikaba ari cyo cyibasiwe n’inkongi yaturutse ku biyoreel yatwikiraga mu murima we. 

Umunyamabanga Nshingwabikorwa w’Umurenge wa Gikundamvura Baziki Yussuf, yabwiye Imvaho Nshya ko ubwo uwo mugabo yatwikaga ibiyorero mu murima we wegeranye n’iri shyamba, umuriro wagurumanye urigeramo maze we agahita aburirwa irengero.

Gitifu Baziki ati: “Ku bufatanye bw’ubuyobozi, abaturage n’Inzego z’umutekano twagerageje kurizimya ku bw’amahirwe riza kuzima nubwo byatinze, uwo mugabo tukaba tukimushakisha ku bufatanye n’ubuyobozi bw’Umurenge wa Butare ngo atabwe muri yombi  abibazwe.”

Asaba abaturage kwirinda gutwika ibiyorero kuko bitemewe kubera impamvu zirimo kwangiza ibidukikije no kwangiza ifumbire iba yagombaga kuvamo.

Yanongeye kubiyama kwangiza amashyamba bayatwika, haba ari mu buryo bw’ibyo biyorero cyangwa bahakuramo ubuki. 

Yibukije ko iyo ishyamba rihiye hangirika byinshi bigize urusobe rw’ibinyabuzima, uhereye ku bimera ukageza no ku bihumeka biribarizwamo.

Yashimangiye ko uzajya abifatirwamo azajya abihanirwa by’intangarugero.

Yakomoje no ku  baca mu rihumye ubuyobozi bagatema amashyamba yabo ateze neza bagatwika amakara cyangwa amatafari, bikaba intandaro y’inkongi zibasira amashuamba y’abaturage n’aya Leta. 

Yibukije abaturage ko gusarura amashyamba adakuze na byo bihanirwa, ko imigirire nk’iyo mibi yose igomba gucika.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27