Rusine yatangaje abazamufasha mu gitaramo Inkuru ya Rusine

Rusine yatangaje abazamufasha mu gitaramo Inkuru ya Rusine

Umunyarwenya Rusine Patrick yagaragaje urutonde rw’abanyarwenya n’ibindi byamamare bizamufasha mu gitaramo yise Inkuru ya Rusine, asaba abakunzi be kutazategereza kubarirwa inkuru.

Ni igitaramo uyu munyarwenya ateganya gusangirizamo abazacyitabira uko yavuye mu buzima bwa gisore akaba uyu munsi ari umubyeyi.

Nyuma yo kugaragaza ubutumire buriho amakuru yose y’icyo gitaramo avuga ko ari impano yageneye abakunzi be batumye aba uwo ari we kubera kumukunda, abasaba kutazabura.  

Yanditse ati: “Ni ku wa Gatandatu tariki 30 Kanama, kuri Centre Cultural Francophone saa kumi n’ebyiri z’umugoroba. Ntuzatume bakubarira inkuru uzaze uyiyumvure.”

Mu banyarwenya n’ibyamamare yemeza ko bazamufasha muri icyo gitaramo harimo Alyn Sano, Anita Pendo, Babou Joe, Kadudu n’abandi.

Mu biganiro bitandukanye, Rusine yakunze kugaragaza ko yamenye gukunda n’igisobanuro cy’urukundo amaze kubyara akagira umuntu umwita se.

Uyu munyarwenya aherutse guteguza abakunzi be ko uyu mwaka ari uwo kubaha ibyiza cyane kuko yari amaze igihe atuje ku bw’ibyo yari ahugiyemo bifitanye isano no kwita ku muryango yungutse (umugore n’umwana).

Rusine avuga ko nyuma yo kugira umwana yamenye urukundo icyo ari cyo.
Inkuru ya Rusine ni igitaramo azagaragarizamo uko atandukanya ubuzima bw’urugo n’ubwamamare
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27