Rukundo Abdul Rahman “PaPlay” yerekeje muri Kiyovu Sports

Rukundo Abdul Rahman “PaPlay” yerekeje muri Kiyovu Sports

Umurundi Rukundo Abdul Rahman “PaPlay” washeje amasezerano yari afitanye na Rayon Sports, yerekeje muri Kiyovu Sports asinya amasezerano y’umwaka.

Iyi kipe yabitangaje kuri uyu wa Gatanu tariki ya 29 Kanama 2025, ibinyujije ku mbuga nkoranyambaga zayo.

PaPlay ni umwe mu bakinnyi beza Rayon Sports FC yifashishije mu mwaka ushize w’imikino by’umwihariko mu kibuga hagati, ariko iyi kipe yamugaragarije ko itazamukenera cyane ishaka kumutiza.

Aho gutizwa, uyu mukinnyi yahisemo kumvikana n’ikipe akagenda burundu agashaka ikipe azakinira, nubwo yari asigaje amasezerano y’umwaka umwe. Yageze muri Rayon Sports mu mpeshyi ya 2024 avuye mu ikipe y’Amagaju FC.

Muri kiyovu Sports asanze mugenzi we w’Umurundi Cédric Amissi.

Kiyovu Sports izatangira shampiyona ya 2025/26 yakira mukeba Rayon Sports tariki ya 13 Nzeri 2025, saa kumi n’ebyiri n’igice kuri Kigali Pele Stadium.

Rukundo Abdul Rahman “PaPlay” yerekeje muri Kiyovu Sports
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27