Rubavu: Batatu bagwiriwe n’urukuta rw’inzu barapfa

Rubavu: Batatu bagwiriwe n’urukuta rw’inzu barapfa

Abaturage batatu bo mu Mudugudu wa Rebero, mu Kagari ka Rwaza mu Karere ka Rubavu bagwiriwe n’inzu nyuma y’imvura nyinshi yaguye ku mugoroba wo ku wa 25 Werurwe 2026.

Ababibonye bavuze ko kuva mu gitondo imvura yiriwe igwa muri ako Karere maze bigeze saa kumi n’ebyiri zishyira saa moya, ni bwo bumvise inkuru mbi. Umunyamabanga Nshingwabikorwa w’Umurenge wa Rugerero, Uwajeneza Jeanette yavuze ko inzu yasenyutse ari iyakodeshwaga n’umugore w’imyaka 33.

Yagize ati: “Imvura yaguye kuva mu gitondo kugeza aya masaha, yasenye inzu yakodeshwaga n’umugore w’imyaka 33 wapfanye n’umwana we w’imyaka ibiri ndetse n’undi musore w’imyaka 30 wari waje kumusura barapfa.”

Uwo musore n’uwo mugore bose bakomokaga mu Mirenge ya Boneza na Murunda yo mu Karere ka Rutsiro. Imirambo y’abo bose yajyanwe mu Bitaro bya Gisenyi gukorerwa isuzuma mbere y’uko ishyingurwa. Umunyamabanga Nshingwabikorwa w’Umurenge wa Rugerero, Uwajeneza yasabye abatuye ahashyira ubuzima bwabo mu kaga kuhimuka muri ibi bihe by’imvura nyinshi.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27