RIB yafunze CG (Rtd) Gasana wari Guverineri w’Intara y’Iburasirazuba

RIB yafunze CG (Rtd) Gasana wari Guverineri w’Intara y’Iburasirazuba

Urwego rw’Igihugu rw’Ubugenzacyaha (RIB) rwatangaje ko rwafunze uwari Guverineri w’Intara y’Iburasirazuba CG  (Rtd) Emmanuel Gasana nyuma y’uko ahagaritswe ku mirimo.

Umuvugizi wa RIB Dr Murangira B Thierry, yatangaje ko iperereza rigikomeje ko kandi andi makuru azatangazwa bishingiye ku byo iperereza rizagenda  rizagaragaza.

RIB kandi ivuga ko hashize iminsi akorwaho iperereza ku cyaha akekwaho cyo gukoresha ububasha  ahabwa n’itegeko nk’umuyobozi w’Intara y’Iburasirazuba mu nyungu ze bwite.

Ku munsi w’ejo ku Gatatu tariki ya 25 Ukwakira 2023, ni bwo Perezida wa Repubulika y’u Rwanda Paul Kagame, yahagaritse mu mirimo CG (Gtd) Gasana K. Emmanuel wari Guverineri w’Intara y’Iburasirazuba kubera ibyo agomba kubazwa akurikiranyweho, nyuma y’itangazo ryaturutse mu Biro bya Minisitiri w’Intebe.

CG (Rtd) Gasana K. Emmanuel yaherukaga guhagarikwa mu nshingano tariki ya 25 Gicurasi 2020, icyo gihe akaba yari Guverineri w’Intara y’Amajyepfo guhera mu mwaka wa 2018.

Icyo gihe ntabwo higeze hatangazwa ibyo aba bayobozi bakurikiranyweho gusa bahagaritswe ku myanya yabo mu gihe hari hashize iminsi mike hari n’abandi bakuwe ku nshingano.

Ku wa 15 Werurwe 2021, ni bwo Gasana yongeye guhabwa inshingano zo kuba Guverineri w’Intara y’Iburasirazuba, bivuze ko yari amazeho igihe cy’imyaka ibiri n’amezi arindwi.

ZIGAMA THEONESTE

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27