REG VC yitegura ‘zone 5’ yaguze abakinnyi babiri bashya

REG VC yitegura ‘zone 5’ yaguze abakinnyi babiri bashya

REG Volleyball Club yaguze abakinnyi babiri bashya Muvara Ronald na Ndayisaba Sylvestre bakiniraga Gisagara VC, bombi ibasinyisha amasezerano y’imyaka ibiri.

Ibinyujije ku rukuta rwa x rwayo ku gicamunsi cyo kuri uyu wa Kane tariki 9 Ugushyingo 2023, ni bwo ubuyobozi bw’iyi kipe bwemeje ko bwasinyishije aba bakinnyi bari mu nkingi za mwamba muri Gisagara VC kugeza muri 2025.

Aba bakinnyi bombi bakinira Ikipe y’Igihugu ndetse bari mu bagenderaho muri Gisagara VC ni bamwe mu bagomba gusimbura abo iyi kipe iherutse gutakaza nka Mahoro Yvan na Tuyizere Jean Baptiste berekeje muri Kepler University, ikipe yazamutse mu cyiriro cya mbere uyu mwaka, hari kandi n’Umunya Cameroun Guebela Boyomo Auguste Marecha iyi kipe yarekuye.

Iyi kipe kandi ikomeje imyiteguro y’Imikino Nyafurika ya ‘Zone 5’ ihuza amakipe yo mu Karere ka Afurika y’Iburasirazuba itegerejwe i Kigali kuva tariki 13 kugeza 20 Ugushyingo 2023.

REG VC ifite igikombe cya shampiyona inshuro ebyiri zirimo icya 2019 na 2022, uyu mwaka ntiwagenze neza kuko cyegukanywe na Gisagara VC.

SHEMA IVAN

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27