Real Madrid izahura na Man City: Uko Tombola ya 1/8 cya UEFA Champions League yagenze

Real Madrid izahura na Man City: Uko Tombola ya 1/8 cya UEFA Champions League yagenze

Tombola y’uburyo amakipe azahura muri 1/8 cya UEFA Champions League, yasize Real Madrid itomboye Manchester City naho Paris Saint-Germain yo mu Bufaransa ifite igikombe giheruka izacakirana na Chelsea yo mu Bwongereza.

Iyi Tombola yabaye ku gicamunsi cyo kuri uyu wa Gatanu tariki 27 Gashyantare 2026 mu mujyi wa Nyon mu gihugu cy’u Busuwisi.

Yari inshuro ya kabiri UEFA Champions League iri gukinwa mu buryo bushya, aho amakipe ya mbere yabonye itike ya ⅛ binyuze mu mikino yakinwe mu buryo bwa League.

Amakipe atarabonye itike yagize amahirwe yo gukina iya kamarampaka, yakuranywemo hagati yayo haboneka andi umunani azakina iki cyiciro mbere y’uko habaho tombola.

Yasize Real Madrid yo muri Espgane itomboye Manchester City yo mu Bwongereza, dore ko aya makipe amaze kuba amakeba muri iri rushanwa, bigira uwo mukino ukomeye.

Amakipe yombi amaze guhura inshuro 16, zirimo eshashatu za Real Madrid yatsinzemo, Man. City itsindamo eshanu mu gihe imikino zanganyije ari itanu.

Mu yindi mikino, Paris Saint-Germain ifite igikombe giheruka yatomboye Chelsea, Bodø Glimt izahura na Sporting CP, Paris Saint-Germain izahura na Chelsea, Galatasaray izahura Liverpool, Atlético Madrid izahura na Tottenham, Newcastle izahura na Barcelona, Bayern Leverkusen izahura na Arsenal, Atalanta vs Bayern Munchen.

Imikino ibanza izaba ku wa 10-11 Werurwe, mu gihe iyo kwishyura izakinwa ku wa 17-18 Werurwe 2026.

Real Madrid izongera gucakirana na Manchester City muri UEFA Champions League
Paris Saint-Germain yatomboye Chelsea
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27