RDF irashaka inkumi n’abasore binjira mu nkeragutabara

RDF irashaka inkumi n’abasore binjira mu nkeragutabara

Ubuyobozi bukuru bw’ingabo z’u Rwanda bwatanze itangazo rishishikariza inkumi n’abasore bashaka kwinjira mu ngabo z’u Rwanda mu rwego rw’abasirikare bagize umutwe w’inkeragutabara.

Itangazo ryashyizwe hanze n’ingabo z’u Rwanda ku wa Kabiri tariki 13 Kanama 2024, rivuga ko abahamagawe ari abo ku rwego rw’inkeragutabara kandi bakaziga amezi atandatu mu ishuri rya Gisirikare Gabiro.

Rikomeza rigira riti: “Abarangije amashuri yisumbuye bagomba kuba bafite imyaka y’amavuko kuva kuri 18 kugeza kuri 25.

Abize amashuri y’imyuga (IPRC) bagomba kuba bafite imyaka y’amavuko itarenze 26. Kubafite ubumenyi bwihariye bize mu ishuri ry’ubuganga, ubuhanga (Engineering) ndetse n’amategeko (Law) babyifuza, bagomba kuba batarengeje imyaka 28 y’amavuko.”

Inkumi n’abasore biyandikisha bagomba kuba ari Abanyarwanda, bafite ubuzima buzira umuze, kuba batarakatiwe n’inkiko, bataragaragara ku rutonde rw’abirukanywe mu mirimo ya Leta, ari indakemwa mu mico no mu myifatire, bafite ubushake bwo kwinjira mu ngabo z’u Rwanda kandi bakazaba batsinze ibizamini bitangwa.

Abiyandikisha basabwa kuba bafite indangamuntu, icyemezo cyerekana ko warangije amashuri atandatu yisumbuye, icyemezo cyerekana ko afite A1 ku bize amashuri y’imyuga (IPRC), ku bafite ubumenyi bwihariye, kwerekana icyemezo ko barangije icyiciro cya Kabiri cya kaminuza (A0).

Bagomba kuba kandi bafite icyemezo cy’ubudakemwa mu mico no mu myifatire gitangwa n’ubuyobozi bw’Umurenge n’icyemezo cyo kuba atarakatiwe n’inkiko.

Itangazo ry’ingabo riri ku rubuga rwa Minisiteri y’ingabo z’u Rwanda rivuga ko kuri uyu wa Gatanu tariki 16 Kanama 2024, mu rwego rwo gusobanura ibijyanye n’urwego rw’abasirikare b’Inkeragutabara, hari ikiganiro cyateguwe n’ubuyobozi bw’ingabo z’u Rwanda gitambuka kuri televiziyo Rwanda.

Abifuza kuba abasirikare b’Inkeragutabara basabwe gukurikirana icyo kiganiro mu rwego rwo kurushaho gusobanukirwa imiterere n’imikorere y’ingabo z’inkeragutabara.

Sangiza abandi iyi nkuru
Ibitekerezo 5
Karekezi Olivier

Abashaka kwinjira munkeragutabara biyandikisha banyuzehe ??

Byiringiro Emmanuel

1Mutubwire igihe bizarangirira ese umuntu uri kwigah kaminuza yakinjira nyuma akazakomeza amasomo ye?

Niragire y es

Nonese Akarere ka Kayonza bazangaja ryari cg byararangcoye murakoze

Tuyisenge jean dedieu

Nonese ku iyandikisha banyurahe? Ndi ngoma district murakoze!

IRAFASHA Elysee

Ndabashuhuje ngabo zuRwanda upfashe gusobanukirwa ukonakwinjira mungabo zurwanda kukondabishyaka kwifatanya namwe kurinda umutekano wigihu murakoze

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27