Rayon Sports yerekeje muri Tanzania (Amafoto)

Rayon Sports yerekeje muri Tanzania (Amafoto)

Rayon Sports yerekeje muri Tanzania gukina umukino wo kwishyura w’ijonjora ry’ibanze rya CAF Confederation Cup uzayihuza na Singida Black Stars.

Mu gitondo cyo kuri uyu wa Gatatu tariki ya 24 Nzeri 2025, ni bwo Rayon Sports yashyize hanze urutonde rw’abakinnyi 22 izifashisha muri uyu mukino uteganyijwe ku wa Gatandatu, tariki ya 27 Nzeri 2025 kuri Azam Complex.

Uru rutonde rugaragaraho myugariro Bayisenge Emery umaze ibyumweru bitatu yaravunikiye mu mukino wa gicuti Rayon Sports yatsinzemo Vipers SC ibitego 4-1.

Si uyu gusa utegerejweho kongera imbaraga muri Rayon Sports, ahubwo umutoza wayo Afhamia Lotfi azifashisha na Bigirimana Abedi yifuje ku mukino ubanza ariko ntiyamubona kuko imvune ye itari yagakize neza.

Umunyezamu wa Rayon Sports Drissa Kouyate wagize ikibazo nyuma y’umukino uheruka agakora impanuka, na we ntabwo yajyanye n’ikipe, akaba yasimbujwe Mugisha Yves.

Abandi bakinnyi Rayon Sports yahagurukanye ni Pavelh Ndzila, Serumogo Ali, Nshimiyimana Emmanuel, Youssou Diagne, Sindi Jesus Paul, Nshimimana Fabrice, Rushema Chris, Musore Prince Michel, Bayisenge Emery na Tambwe Ngongo Gloire.

Hari kandi Niyonzima Olivier, Ishimwe Fiston, Ntarindwa Aimable Ntagorama, Ndayishimiye Richard, Mohamed Chelly, Habimana Yves, Adama Bagayogo, Bassane Koulagna Aziz.

Umukino ubanza Rayon Sports yatsinzwe igitego 1-0.

Irambona Eric ushinzwe imiyoborere muri Rayon Sports mu berekeje muri Tanzania
Bigirimana Abedi yakize imvune yanjyanye na bagenzi be
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27