Rayon Sports yatandukanye n’abarimo Simon Taamale na Ndekwe Félix

Rayon Sports yatandukanye n’abarimo Simon Taamale na Ndekwe Félix

Ikipe ya Rayon Sports yemeje ko yatandukanye n’umunyezamu Simon Taamale ukomoka muri Uganda ndetse n’umukinnyi wo hagati Bavakure Ndekwe Félix nyuma yo gusoza amasezerano bari bafitanye nayo.

Ibi byatangajwe n’ubuyobozi bw’iyi kipe kuri uyu wa Gatanu, tariki ya 7 Kamena 2024, binyuze mu kiganiro Rayon Time gitangaza amakuru y’iyi kipe. 

Iyi kipe yambara ubururu n’umweru ni imwe mu makipe atarahiriwe n’umwaka w’imikino wa 2023-24, aho yabuze ibikombe bibiri mu bikomeye bikinirwa mu Rwanda harimo Shampiyona ndetse n’icy’Amahoro.

Ibyo byatumye itekereza ku kuvugurura imyanya imwe n’imwe cyane ko benshi mu bakinnyi yakoreshagaho bari bararangije amasezerano.

Aba baje bakurikira abarimo Youssef Rharb, Mvuyekure Emmanuel, Alon Paul Gomis, Hategekimana Bonheur na Alsény Camara Agogo nabo basezerewe mu mpera z’ukuwezi  ka Gicurasi uyu mwaka nyuma yo gusoza amasezerano yabo. 

Rayon Sports itegerejweho gushora akayabo ku isoko ry’abakinnyi, dore ko kugeza ubu ifite abakinnyi umunani gusa bakiyifitiye amasezerano.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27