Rayon Sports yasinyishije abakinnyi babiri bashya, yongera amasezerano Serumogo

Rayon Sports yasinyishije abakinnyi babiri bashya, yongera amasezerano Serumogo

Myugariro Rushema Chris wakiniraga Mukura VS na Tambwe Gregoire uvuye muri Musongati FC y’iwabo i Burundi, basinyiye Rayon Sports amasezerano y’imyaka ibiri.

Ibi byatangajwe n’iyi kipe, kuri uyu wa Gatandatu tariki ya 28 Kamena 2025 ibinyujije ku mbuga nkoranyambaga zayo.

Rushema Chris yari amaze imyaka ibiri muri Mukura VS yagezemo mu 2023 avuye muri Marines FC.

Tambwe Gregoire w’imyaka 20 ukina hagati mu kibuga yugarira yafashije Musongati FC y’iwabo gusoza Shampiyona y’i Burundi ku mwanya wa kabiri n’amanota 50.

Gikundiro kandi yongereye amasezerano Myugariro Serumogo Ally yongereye amasezerano y’imyaka ibiri.

Iyi kipe ikomeje ibiganiro n’abandi bakinnyi bashya barimo umunyezamu Drissa Kouyate, Mohamed Chely na Rayane Hamouimeche.

Biteganyijwe ko Rayon Sports izatangira imyitozo ku wa Mbere tariki ya 30 Kamena 2025 yitegura umwaka utaha w’imikino wa 2025/26.

Rayon Sports izahagararira u Rwanda mu mikino Nyafurika ya CAF Confederation Cup 2025/26.

Rushema Chris yasinyiye Rayon Sports amasezerano y’imyaka ibiri
Serumogo Ally yongereye amasezerano y’imyaka ibiri muri Rayon Sports
Tambwe Gregoire yasinye amasezerano y’imyaka ibiri muri Rayon Sports
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27