Police FC yatandukanye n’umutoza Mashami Vincent

Police FC yatandukanye n’umutoza Mashami Vincent

Ikipe ya Police FC yatangaje ko itazakomezanya n’umutoza Mashimi Vincent n’abungiriza be mu mwaka utaha w’imikino 2025/26, ibashimira iterambere bazanye muri iyi kipe.

Ni amakuru yashyizwe ahagaragara ku gicamunsi cyo kuri uyu wa Mbere tariki ya 9 Kamena 2025.

Ibinyujije ku mbuga nkoranyambaga zayo Police FC yagize iti: “Turashimira byimazeyo Umutoza Mashami hamwe n’itsinda rye ryose rya tekinike, Justin Bisengimana, Nywandwi Idrissa, na Tumaine Emmanuel ku buyobozi bwabo n’akazi gakomeye bakoze ku nyungu z’ikipe.

Imbaraga mwashyizemo zazanye iterambere n’intsinzi mu rugendo rwacu. Turabashimira by’umwihariko.”

Mashami Vincent yagizwe umutoza Mukuru wa Police FC muri Nyakanga 2022.

Mu mwaka ushize w’imikino wa 2024/25, Police FC yarangije shampiyona iri ku mwanya wa kane n’amanota 45.

Mu myaka itatu Mashami yari amaze muri Police FC yayihesheje igikombe cy’Amahoro cya 2024, yaherukaga mu 2015 n’Igikombe cy’Intwari cyo mu 2024.

Uretse gutoza Police FC, Mashami kandi yabaye umutoza w’ikipe y’igihugu y’u Rwanda “Amavubi”, APR FC ndetse na Bugesera FC.

Police FC yashimiye Mashami n’abari bamwungirije
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27