Philippine: Ubwato bwari butwaye abantu 350 bwarohamye

Philippine: Ubwato bwari butwaye abantu 350 bwarohamye

Ubwato bwari butwaye abagenzi 350 bavaga ku cyambu cya Zamboanga berekeza ku kirwa cya Jolo mu Majyepfo ya Sulu, mu Ntara ya Basilan muri Philippine bwarohamye, abantu 18 barapfa bandi 24 bakomeje kuburirwa irengero.

Inzego zishinzwe kurinda ibyambu muri ako gace zatangaje ko iyo mpanuka yabaye kuri uyu wa Mbere, tariki ya 26 Mutarama, ubwo bwato, mu bo bwari butwaye harimo n’abakozi babwo 27, aho bwakoze impanuka nyuma y’amasaha ane buvuye mu mujyi wa Zamboanga.

Abashinzwe ibikorwa by’ubutabazi mu Ntara ya Basilan bavuze ko abarokotse bajyanwe ku bitaro biri mu mujyi wa Isabela, mu gihe ababuriwe irengero bakomeje gushakishwa.

Guverineri wa Basilan, Mujiv Hataman, yashyize ku rubuga rwa Facebook amashusho agaragaza abarokotse, yongeraho ko ubuyobozi bukomeje ibikorwa by’ubugenzuzi kandi hagiye gukorwa iperereza ku cyateye iyo mpanuka, mu gihe ibikorwa byo gutabara bikomeje.

Nubwo nta makuru aramenyekana niba ubwo bwato bwari butwaye abantu barengeje ubushobozi bwabwo ariko impanuka nk’izo muri Philippine zikunze guterwa n’ikirere kibi.

Ku wa Gatanu w’icyumweru gishize abantu babiri barapfuye, bane baburirwa irengero abandi 15 bararokoka nyuma y’impanuka y’ubwato bwari buriho idarapo rya Singapore, bwavaga ku kirwa cya Mindanao bujya mu Bushinwa.

Ni mu gihe no ku wa Mbere w’icyumweru gishize ubundi bwato bwarohamye i Davao muri Mindanao, abantu batandatu barapfa abandi icyenda baburirwa irengero.

Abashinzwe ibikorwa by’ubutabazi barokoye bamwe mu bagenzi bari mu bwato bwarohamye
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27