Perezida Trump yongereye iminsi yo gukoresha TikTok muri Amerika

Perezida Trump yongereye iminsi yo gukoresha TikTok muri Amerika

Perezida wa Leta Zunze Ubumwe za Amerika, Donald Trump yatangaje ko yongereye iminsi 75 ku gihe cyari cyaragenwe cyo guhagarika urubuga rwa ‘TikTok’ bitewe n’intambwe ikomeye y’ibiganiro hagati y’ikigo cyiyifite mu biganza cya ByteDance na Amerika.

Trump yavuze ko yifuza ko TikTok ikomeza gukora muri Amerika ndetse agakomeza ubufatanye n’u Bushinwa kugira ngo ibibazo byagaragayemo bikemurwe.

Ku wa o4 Mata 2025, yatangaje ko ateganya gukomeza kuganira n’abashoramari batandukanye, harimo na Amazon na Oracle, ku buryo bwo gukemura ikibazo cy’umutekano w’amakuru y’abakoresha TikTok.

Trump yavuze ko ashaka ko Leta Zunze Ubumwe za Amerika zigira uruhare mu ishoramari rya TikTok, kugira ngo habeho kugenzura neza imikoreshereze y’amakuru y’abayikoresha.

Yagaragaje ko ibyo   bikorwa byose bigamije gukemura impungenge z’umutekano w’amakuru.

Abinyujije ku rukuta rwe rwa Truth Social Trump  yagize ati: “Ntitwifuza ko  TikTok ijya mu icuraburindi. Tuzakomeza gukorana na TikTok n’u Bushinwa kugira ngo turangize amasezerano. Kuri ubu uru rubuga rufitwe n’ikigo cy’u Bushinwa cya ByteDance.”

Muri Amerika habarurwa miliyoni zirenga 170 zikoresha TikTok bose bagombaga gufunga hakurukijwe itegeko ryari ryatowe baturutse k’uwahoze ari perezida wa Amerika, Joe Biden, wari wavuze ko TikTok ishobora gukoreshwa n’u Bushinwa nk’igikoresho cyo gutata icyi gihugu. Mu mpera za 2024, Amerika yateganyaga gufunga TikTok kubera impungenge z’umutekano w’igihugu, ivuga ko TikTok ifitanye isano n’ubutegetsi bw’u Bushinwa.

Ibyo byatumye Urukiko rw’Ikirenga rwa Amerika rwemera kumva urubanza rwa TikTok ku birebana n’itegeko ryo kuyihagarika.

Nyuma y’uko Donald Trump atorewe kuba Perezida wa Amerika, yavuze ko azasubika ishyirwa mu bikorwa ry’iryo tegeko, agatanga umwanya ngo hashakishwe umuti w’ikibazo cya TikTok.

Ku ruhande rwa TikTok icyo gihe yo yatesheje agaciro iryo tegeko, ivuga ko ribangamira uburenganzira bw’abayikoresha muri icyo gihugu.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27