Perezida mushya wa Koreya y’Epfo yasezeranyije abaturage ubumwe

Perezida mushya wa Koreya y’Epfo yasezeranyije abaturage ubumwe

Nyuma y’uko ibyavuye mu ibabarura ry’amatora y’Umukuru w’Igihugu muri Koreya y’Epfo bigaragaje ko Lee Jae-myung yatsinze, mu butumwa bwe kuri uyu wa Gatatu yarahiriye kwimakaza ubumwe no guhuza abaturage.

Komisiyo y’Igihugu y’Amatora ya Koreya y’Epfo yagaragaje ko nyuma y’amatora yo ku wa 03 Kamena, Lee wo mu ishyaka ritavuga rumwe n’ubutegetsi ari we watsinze ku majwi 49.42%, agakurikirwa n’uwo bari bahanganye   Kim Moon-soo n’amajwi 41.15% mu gihe Lee Jun-seok yagize amajwi 8.34%

Lee w’imyaka 61 atsinze amatora nyuma y’uko  uwahoze ari perezida Yoon Suk Yeol, yegujwe ku mirimo ye azira amategeko akaze yashyizeho.

Yoon yateje imvururu za politiki zamaze amezi  arenga atanu biteza impagarara mu baturage n’abanyepolitiki batavuga rumwe n’ubutegetsi bavuze ko agamije gucamo ibice abenegihugu.

Mu nshingano za Perezida mushya Lee  avuga ko afite akazi ko kongera guhuza abenegihugu  no kubungabunga umubano na Leta Zunze Ubumwe za Amerika.

BBC yatangaje ko Lee yanenze bikomeye Perezida wamubanjirije avuga ko atazemera na rimwe ko igihugu kijya mu kaga , yemeza ko manda ye izibanda ku mahoro no guca amacakubiri.

Yiyemeje kubaka guverinoma ifunguriye buri wese ndetse  ikorera mu kuri.

Kuri uyu wa Gatatu, benshi mu bashyigikiye Lee bateraniye imbere y’Inteko Ishinga Amategeko bagaragaza ko bishimiye insinzi ye ndetse bavuga ko bategereje kumubona ayobora.

Bavuze ko bizeye  ko azashyira mu bikorwa ibyo yasezeranyije, nko kubaka Isi yuzuye  ubutabera kandi ko   Koreya y’Epfo izaba igihugu cyubahiriza  amategeko.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27