Perezida Museveni yashimiye Abanyarwanda uburyo bamwakiriye

Perezida Museveni yashimiye Abanyarwanda uburyo bamwakiriye

Perezida wa Uganda  Yoweri Kaguta Museveni yashimiye Abanyarwanda uburyo  bamwakiriye ageze  i Kigali yitabiriye Inama y’Abakuru b’Ibihugu na za Guverinoma zo mu Muryango w’Ibihugu bikoresha Icyongereza  (CHOGM), ibera mu Rwanda.

Mu gitondo cy’uyu munsi ku wa 23 Kamena 2022, ni bwo indege ya kajugujugu yamugejeje hafi y’umupaka wa Katuna ku ruhande rwa Uganda, afata imodoka yamuzanye ikambuka umupaka wa Gatuna yerekeza i Kigali.

Ubwo yageraga i Kigali, abaturage benshi cyane cyane mu gice cya Nyabugogo uzamuka ugana ku Muhima bari bahagaze ku nkengero z’umuhanda bamupepera. Abinyujije kuri Twitter, Perezida Museveni yavuze ko ashimira Abanyarwanda uburyo bamwakiriye.  

Yagize ati: “Nageze i Kigali mu Rwanda, nitabiriye Inama ya 26 y’Abakuru b’Ibihugu na za Guverinoma zigize Commonwealth (CHOGM). Ndashimira Abanyarwanda uburyo mwampaye ikaze. Murakoze cyane!”

Perezida Museveni yaherukaga mu Rwanda mu 2017 ubwo habaga ibirori byo kurahira kwa Perezida Paul Kagame. 

Ni na rwo ruzinduko rwa mbere Museveni agiriye mu Rwanda nyuma y’izahuka ry’umubano warwo na Uganda, bigizwemo uruhare n’umuhungu we akaba n’Umugaba w’Ingabo za UPDF zirwanira ku Butaka, Gen. Muhoozi Kainerugaba.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27