Perezida Kagame yazamuye mu ntera Brig Gen Nkubito

Perezida Kagame yazamuye mu ntera Brig Gen Nkubito

Perezida wa Repubulika akaba n’Umugaba w’Ikirenga w’Ingabo z’u Rwanda Paul Kagame, yazamuye mu ntera Brigadier Geneneral Eugène Nkubito, amuha ipeti rya Jenerali Majoro (Major General).

Ubuyobozi bw’Ingabo z’u Rwanda bwatangaje ko izo mpinduka zahise zishyirwa mu bikorwa.

Brig Gen Nkubito asanzwe ari Umuyobozi w’Ingabo mu Ntara y’Iburasirazuba n’Umujyi wa Kigali. Yanabaye kandi Umuyobozi w’Ingabo mu Ntara y’Amajyaruguru, akaba yaranakoze izindi nshingano zinyuranye mu Ngabo z’u Rwanda mu gihugu no mu mahanga.

Azamuwe mu ntera mu gihe bivugwa ko agiye guhabwa inshingano zo guhuza ibikorwa by’Inzego z’umutekano z’u Rwanda zoherejwe kurwanya ibyihebe muri Mozambique.

Niyoherezwa muri ubwo butumwa bwo guhashya ibyihebe mu Ntara ya Cabo Delgado, azaba asimbuye Gen Maj Innocent Kabandana wungirije Umugaba w’Ingabo za Mozambique bafatanyije muri urwo rugamba.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27