Paul Okoye yagaye uruganda rwa sinema rwa Nigeria kudatunganya filime zabo neza

Paul Okoye yagaye uruganda rwa sinema rwa Nigeria kudatunganya filime zabo neza

Umuhanzi Paul Okoye wahoze ari umwe mu bagize itsinda rya P-Square, akaba asigaye akora umuziki ku giti cye nka Rudeboy, yanenze uruganda rukora filime muri Nigeria (Nollywood), kubera kudatunganya neza filime zabo, ibyo yise ko byangiza uruganda rwa sinema.

Yifashishije urubuga rwe rwa Instagram, uwo muhanzi yasangije amashusho ya filime yo muri urwo ruganda yerekana ikosa ryakozwe n’umutekinisiye w’amajwi n’uburyo yagaragaye muri filime afashe mikoro filime igasohoka bidakuwemo.

Yanditse ati: “Noneho mundebere gufata amashusho ya filime ariko ntuyatunganye ugahita uyaha abantu utagize ibyo ukuramo, ku buryo ufashe mikoro ifata amajwi agaragaramo wese. Nyamuneka, nimukurikirane ibi birica uruganda rwa Sinema iwacu?”

Uyu muhanzi avuze ibi mu gihe abakinnyi batandukanye b’abagore baciye muri urwo ruganda rwa sinema badasiba gutangaza ko ruswa y’igitsina yamunze abarukoramo, bikababera impamvu yo gusohokamo.

Amakuru agaragazwa ku rubuga rwa Nollywood rwa Wikipedia, yerekana ko yatangiye [Nollywood], gusohora filime kuva mu 1992, bivuze ko uru ruganda rumaze imyaka igera kuri 33 rutanga filime.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27