Nyinawumuntu Grace yabonye ikipe yo gutoza muri Canada

Nyinawumuntu Grace yabonye ikipe yo gutoza muri Canada

Nyinawumuntu Grace yagizwe umutoza wa Ottawa Gloucester Hornets, ikipe y’abana yo muri Canada.

Nyinawumuntu yari amaze imyaka itatu ari umuyobozi wa Tekinike mu Irerero rya Paris Saint-Germain riherereye i Huye.

Ikipe ya Ottawa Gloucester Hornets yerekejemo ifite amakipe yo kuva ku myaka itanu kugeza kuri 18, mu bahungu n’abakobwa.

Uretse kuba mu Irerero rya Paris Saint-Germain, Nyinawumuntu ni umwe mu bafite izina rikomeye muri ruhago y’abagore mu Rwanda kuko yabaye umukinnyi, umutoza wa AS Kigali WFC n’uw’Ikipe y’Igihugu.

Nk’umutoza wa AS Kigali, Nyinawumuntu yegukanye Igikombe cya Shampiyona inshuro umunani.

Ubwo yari mu Irerero rya PSG, yegukanye Igikombe cy’Isi gihuza amarero y’iyi kipe inshuro eshatu. Mu 2013 yanabaye umutoza mwiza w’umwaka.

Nyinawumuntu Grace yaherukaga gutoza Ikipe y’Igihugu y’Abagore mu 2023 yitegura igikombe cya Afurika
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27