Nyarugenge: Imodoka yari itwaye abana ku ishuri yahiye irakongoka

Nyarugenge: Imodoka yari itwaye abana ku ishuri yahiye irakongoka

Mu gitondo cyo kuri uyu wa Gatanu tariki 01 Werurwe 2024, mu Kagari ka Kivugiza mu Murenge wa Nyamirambo mu Karere ka Nyarugenge mu Mujyi wa Kigali imodoka nto yo mu bwoko bwa Suzuki Vitara yahiye irakongoka.

SP Sylvestre Twajamahoro, Umuvugizi wa Polisi mu Mujyi wa Kigali, yemeje aya makuru y’impanuka y’imodoka yahiye igakongoka ubwo yari itwaye abana ku ishuri.

Amakuru avuga ko nta muntu waguye muri iyi mpanuka ndetse nta n’uwayikomerekeyemo. Ni mu gihe umushoferi wari uyitwaye yabonye umwotsi ubaye mwinshi akabwira abari bayirimo gusohoka vuba.

Polisi y’u Rwanda, Ishami rishinzwe kurwanya inkongi, yatabaye ariko igera aho imodoka yari iri yamaze kwangirika.

SP Twajamahoro yagize ati: “Uwari utwaye iyi modoka avuga ko ibyangiritse bifite agaciro kangana na 45,000,000Frw kandi imodoka yari ifite ubwishingizi.”

Yavuze ko hataramenyekana icyateye inkongi yatumye imodoka ishya igakongoka, ariko harakekwa ko ari insinga zitari zimeze neza bigatuma ishya.

Kugeza ubu haracyakorwa iperereza kugira ngo hamenyekane icyateye iyi nkongi.

Amafoto: Imbuga nkoranyambaga

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27