Nyamasheke: Batiri ya telefoni irakekwaho gutwika inzu y’umuryango w’abantu 7 

Nyamasheke: Batiri ya telefoni irakekwaho gutwika inzu y’umuryango w’abantu 7 

Inzu y’umuryango w’abantu 7 wa Rwamuhizi David utuye mu Kagari ka Raro, Umurenge wa Kanjongo, Akarere ka Nyamasheke, yafashwe n’inkongi y’umuriro irakongoka hakekwa batiri ya telefoni nk’intandaro yayo. 

Ku wa Mbere tariki ya 9 Nzeri, ubwo umugabo yari mu rugo wenyine umugore n’abana batanu bafitanye badahari, inzu, igikoni n’ubwiherero byose byahiye birakongoka. 

Abaturage bagerageje kuzimya umuriro ubarusha ingufu, ibyarimo byose by’agaciro k’amafaranga y’u Rwanda agera kuri miliyoni 8 bitikiriramo.

Umunyamabanga Nshingwabikorwa w’Akagari ka Raro Byiringiro Gentil,  yavuze ko hakekwa batiri ya telefoni umwe wo muri urwo rugo yahambiriyeho umugozi wa sharijeri agacomeka ku mashanyarazi ngo umuriro ujyemo maze iraturika.

Yagize ati: “Inzu yari irimo amashanyarazi. Nubwo iperereza rigikomeje ngo hamenyekane mu by’ukuri icyateye iyo nkongi, harakekwa batiri ya telefoni umwe mu bagize uwo muryango yaba yasize acometse mu buryo babikoramo busanzwe buteye impungenge, bose bakigendera bayisize gutyo ikaza guturika igateza iyo nkongi.”

Avuga ko mu Nteko y’Abaturage yo kuri uyu wa Kabiri tariki ya 10 Nzeri, ikibazo cyo gushyira umuriro muri bateri itari muri telefoni cyagarutsweho, abaturage bagasabwa kubyirinda. 

Akarere ka Nyamasheke kamaze iminsi kibasiwe n’inkongi z’umuriro zikongora inzu z’abaturage mu Mirenge inyuranye. 

Nubwo bamwe bavuga ko zibasiga iheruheru ubuyobozi bugatinda kubagoboka, uyu muyobozi avuga ko bagiye kwihutira gukorera ubuvugizi uyu muryango ngo ubone aho uba heza mu bihe biri imbere bizaba byiganjemo imvura nyinshi.

Sangiza abandi iyi nkuru
Ibitekerezo 1
Mamadu Sy

Nukwihangana ntakundi nyine ibyamubayeho ninkabyabindi bibera mugakiriro kagisozNukwihangana ntakundi nyine ibyamubayeho ninkabyabindi bibera mugakiriro kagisozi.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27