Norvège igiye kohereza Umunyarwanda ukekwaho ibyaha bya Jenoside

Norvège igiye kohereza Umunyarwanda ukekwaho ibyaha bya Jenoside

Polisi yo mu gihugu cya Norvege yatangaje ko umunyarwanda utaramenyekana izina ufungiye muri icyo gihugu uukurikiranyweho ibyaha bya Jenoside yakorewe Abatutsi, agiye koherezwa mu Rwanda.

Ibiro Ntaramakuru by’Abanyamerika (AP) byatangaje ko umugabo uri mu kigero cy’imyaka 40 utagaragazwa umwirondoro we, amaze hafi umwaka afungiye mu Mujyi wa Oslo mu gihe hari hategerejwe ko icyifuzo cy’u Rwanda cyo kuba yakoherezwa, gifatwaho umwanzuro.

Elise Kjæraas, Umuvugizi w’Urwego rushinzwe iperereza muri Norvège ruzwi nka (KRIPOS), yavuze ko hakozwe iperereza mu rwego rwo kureba niba ukekwaho ibyaha bya Jenoside yakorewe Abatutsi mu Rwanda, bigaragaza ko koherezwa mu Rwanda kwe ari ngombwa.

Polisi ya Norvege ivuga ko imyirondoro y’uriya mugabo itashyizwe hanze.

Polisi ya Norvège iherutse gutangaza ko uyu mugabo yafashwe habanje gukorwa iperereza ry’ibanze.

Igihugu cya Norvège cyagiye gisabwa kohereza abanyarwanda bagihungiyeho basize bakoze Jenoside.

KAYITARE JEAN PAUL

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27