Nigeria: Umwuzure watumye imfungwa zigera kuri 300 zitoroka gereza 

Nigeria: Umwuzure watumye imfungwa zigera kuri 300 zitoroka gereza 

Ubuyobozi bwa Gereza muri Nigeria bwatangaje ko gereza iri mu Mujyi wa   Maiduguri mu Majyaruguru y’uburasirazuba yibasiwe n’umwuzure bituma imfungwa 281 zitoroka.

Umuvugizi w’Urwego rushinzwe amagereza muri iki gihugu, Umar Abubakar, yatangaje ejo ku wa 15 Nzeri ko barindwi mu batorotse bafashwe n’inzego z’umutekano.

Ibiro Ntaramakuru by’Abongereza byatangaje ko umwuzure watumye ibikuta bya gereza bisenyuka bituma imfungwa zitoroka ndetse ubuyobozi bwatangaje ko ibikorwa byo gushakisha abatorotse bigikomeje.

Maiduguri ni umujyi uri muri Leta ya Borno ndetse mu ntangiriro z’icyumweru gishize yibasiwe n’umwuzure ukabije nyuma y’uko urugomero rurenzwe n’amazi binatuma inyamanswa zimwe zipfa.

Ikigo gishinzwe ubutabazi muri Nigeria kivuga ko abantu 30 bapfuye, abarenga miliyoni bagirwaho ingaruka ndetse binabatera ibihombo mu gihe abarenga ibihumbi bajyanwe mu nkambi.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27