Nigeria: Boko Haram yishe abahinzi b’umuceri 11

Nigeria: Boko Haram yishe abahinzi b’umuceri 11

Abaturage bo mu majyaruguru y’uburasirazuba bwa Nigeria bari mu kiriyo cy’abahinzi 11 bishwe bazize igitero cya Boko Haram.

Umuhango wo gushyingura wabaye kuri uyu wa 06 Ugushyingo, ku musigiti wo hagati wa Zabarmari, hanze y’umurwa mukuru w’akarere ka Maiduguri.

AFP yatangaje ko abakekwaho kuba ari abarwanyi ba Boko Haram bateye mu murima w’umuceri aho abahinzi bari baraye bawurinze, mu karere ka Zabarmari hanze y’umurwa mukuru w’akarere ka Maiduguri, bafata abahinzi babaca umuhogo, abandi barabashimuta.

Umuyobozi w’ingabo zirwanya uyu mutwe Babakura Kolo yavuze ko hamaze kuboneka imirambo 11.

Ati: “Inyeshyamba zajugunye imirambo mu mwobo zishimuta abandi bataramenyekana.”

Abahinzi bakunze kwibasirwa n’abarwanyi biyitirira idini ya Isilamu bamaze imyaka 14 bateza imidugararo mu majyaruguru y’uburasirazuba bwa Nigeria aho abantu 40.000 bishwe abandi barenga miliyoni ebyiri bavanwa mu byabo kuva mu 2009.

KAMALIZA AGNES

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27