Nigeria: Abitwaje intwaro bashimuse abanyeshuri 287

Nigeria: Abitwaje intwaro bashimuse abanyeshuri 287

Abantu bitwaje intwaro bagabye igitero ku ishuri riherereye mu majyaruguru y’uburengerazuba bwa Nijeria bashimuta abanyeshuri 287.

Ikinyamakuru The Guardians cyatangaje ko iri ari ishimutwa rya kabiri ribaye muri aka gace mu gihe kitarenze icyumweru.

Imibare yari yatangajwe n’abayobozi mbere yagaragazaga ko abanyeshuri barenga 100 bafashwe bugwate muri icyo gitero, ariko ejo ku wa 07 Werurwe Sani Abdullahi umuyobozi w’Ikigo yabwiye Guverineri wa Kaduna Uba Sani ko abashimuswe ari 287.

Si ubwa mbere mu majyaruguru ya Nigeria haba ishimutwa kuko mu 2014 intagondwa z’Abayisilamu zashimuse abakobwa barenga 200 mu mudugudu wa Chibok muri leta ya Borno.

Mu myaka yashize ishimutwa ryibanze mu turere two mu majyaruguru y’Uburengerazuba no hagati, aho imitwe yitwaje intwaro ikunze kwibasira abaturage ndetse n’abagenzi.

Iki gitero kibaye nyuma y’iminsi mike abantu barenga 200, cyane cyane abagore n’abana, bashimuswe n’intagondwa mu majyaruguru y’Uburasirazuba bwa Nijeria.

Bola Tinubu yatorewe kuba perezida wa Nijeria umwaka ushize nyuma yo gusezeranya ko azagarura umutekano mu gihugu nubwo gikomeje kuba ingutu.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27