Nigeria: Abagizi ba nabi bishe abarenga 30 bari barashimuse

Nigeria: Abagizi ba nabi bishe abarenga 30 bari barashimuse

Agatsiko k’abagizi ba nabi kazwi nk’Amabandi kishe urw’agashinyaguro abantu 35 bari barashimutiye mu mudugudu wa Banga, muri Leta ya Zamfara mu Majyaruguru ya Nigeria.

Ayo mabandi yari yarasabye amafaranga y’ingwate hafi miliyoni kuri buri muntu   ngo arekure abo yashimuse bose uko ari 56 ndetse baza kuyahabwa ariko barekura bamwe abandi barabica nkuko byatangajwe na BBC.

Abo bantu bashimuswe muri Werurwe uyu mwaka, ibitangazamakuru byo muri Nigeria byavuze ko abenshi mu bishwe ari urubyiruko kandi bishwe bashinyaguriwe nyuma y’uko mu mpera z’icyumweru gishize barekuye abantu 18 barimo abagore 17 n’umwana umwe w’umuhungu.

Abarekuwe bavuga ko bategetswe kureba bagenzi babo bicwa nabi mu gihe abatuye muri ako gace bavuga ko hari batatu bashimuswe batwite ndetse banabyarirayo ariko abana babo bapfuye kubera kubura ubuvuzi.

Ubuyobozi bwa Leta ya Zamfara bwamaganye ubwo bwicanyi, bubwita ubugome n’ubugwari, buvuga ko ibyo bikorwa bishimangira uruhare rwa Leta mu guca burundu iterabwoba muri ako gace.

Bwihanganishije ababuze ababo kandi bwizeza ko abo bagizi ba nabi bazagezwa imbere y’ubutabera.

Abantu 35 bishwe n’agatsiko k’amabandi muri Nigeria
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27