Niger: Ibihumbi byigaragambije bisaba ko ingabo z’Amerika zirukanwa

Niger: Ibihumbi byigaragambije bisaba ko ingabo z’Amerika zirukanwa

Abantu ibihumbi n’ibihumbi bigaragambirije mu murwa mukuru wa Niger i Niamey, basaba ko ingabo za Leta Zunze Ubumwe z’Amerika zabavira ku butaka nyuma yuko igisirikare cy’iki gihugu kivuze ko gisheshe amasezerano cyagiranye n’Amerika.

Imyigaragambyo yo kuri uyu wa Gatandatu ibaye nyuma yuko Niger ikomeje guha ikaze abatoza mu gisirikare cy’u Burusiya.

Ibiro Ntaramakuru by’Abafaransa AFP, byatangaje ko abiganjemo abanyeshuri n’abandi barimo abayobozi ndetse n’abasirikare bari bateraniye imbere y’Inteko Ishinga Amategeko i Niamey bigaragambya.

Umuyobozi w’idini rya Isilamu, Sheikh Ahmadou Mamoudou, yavuze ko Abanyamerika bakwiye kugenda mu mahoro kandi vuba.

Abateguye imyigaragambyo basabye abigaragambya kwirinda amagambo atuka Amerika cyangwa gutwika amabendera yayo.

Ni mu gihe kandi muri iki gihugu ingabo z’Abafaransa zahirukanwe mu mpera za 2023, ariko iz’Abanyamerika zigera ku 1.000 zikomeza kuba mu mujyi wa Agadez uherereye mu gace k’Amajyaruguru.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27