NAEB: U Rwanda rwohereje hanze ibyinjije hafi Miliyari 2

NAEB: U Rwanda rwohereje hanze ibyinjije hafi Miliyari 2
Icyayi cy'u Rwanda gikunzwe ku isoko mpuzamahanga (Foto NAEB)

Ikigo cy’Igihugu gishinzwe guteza imbere iyoherezwa mu mahanga ry’ibikomoka ku buhinzi n’ubworozi, NAEB cyatangaje ko mu cyumweru gishize u Rwanda rwohereje hanze ikawa, icyayi n’umusaruro w’ibikomoka ku buhinzi bw’imboga, imbuto n’indabo, ikawa n’icyayi bifite agaciro k’amadolari y’Amerika 1,974,245  ni ukuvuga hafi miliyari 2 z’amafaranga y’u Rwanda.

NAEB itangaza ko mu cyumweru gishize u Rwanda rwohereje mu mahanga ibikomoka ku buhinzi bw’imbuto, imboga n’indabo bingana na Mega Toni 264.42 byinjije amadolari y’Amerika 501,093.

Ibikomoka kuri ubwo buhinzi byoherejwe muri Repubulika iharanira demokarasi ya Congo, mu Buholandi no mu Bwongereza

U Rwanda kandi rwohereje hanze icyayi kingana na Mega Toni 456.7, cyikinjiza amadolari y’Amerika 1,225,076.

Ibihugu by’ingenzi icyayi cyoherejwemo ni muri Pakistan, muri Kazakhstan no mu Bwongereza.

Mega Toni 38.75 z’ikawa ni zo zoherejwe hanze, zinjiza amadolari y’Amerika 248,076. Igiciro mpuzandengo ku kilo cyari amadolari y’Amerika 6.4.

Ikawa yoherejwe mu Bubiligi no muri Singapore.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27