Musanze FC na Gicumbi FC zabonye abatoza bashya

Musanze FC na Gicumbi FC zabonye abatoza bashya

Ikipe ya Musanze FC yasinyishije Ruremesha Emmanuel nk’umutoza mukuru naho Gicumbi FC ishyiraho Bisengimana Justin.

Amakipe yombi yatangaje abatoza bashya mu gihe habura ukwezi kumwe ngo umwaka w’imikino wa 2025/26 utangire.

Musanze FC iheruka kubona abayobozi bashya, yahereye ku gushyiraho umutoza mushya aho yasinyishije Ruremesha Emmanuel watozaga Ikipe ya Muhazi United ku masezerano y’imyaka ibiri.

Ni ku nshuro ya kabiri Ruremesha agiye gutoza Musanze FC yabayemo mu mwaka w’imikino wa 2018/19, ariko akaba yarayisohotsemo ahagaritswe kubera umusaruro muke.

Uretse Musanze FC, na Gicumbi FC yamaze kubona umutoza mushya wagizwe Bisengimana Justin uheruka kuva muri Police FC aho yari yungirije Mashami Vincent.

Bisengimana watoje amakipe arimo Bugesera FC, Rutsiro FC na Espoir FC, yasabwe gufasha iyi kipe kuguma mu Cyiciro cya Mbere igiye kongera gukina nyuma y’imyaka itatu ibarizwa mu cyiciro cya kabiri.

Biteganyijwe ko Shampiyona y’icyiciro cya mbere mu Rwanda izatangira ku wa 15 Kanama 2025.

Ruremesha Emmanuel yagizwe Umutoza wa Musanze FC
Bisengimana Justin yasabwe gufasha Gicumbi FC kuguma mu cyiciro ka mbere
Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27