Musanze: Busogo umugabo yasanzwe mu ishyamba yapfuye

Musanze: Busogo umugabo yasanzwe mu ishyamba yapfuye

Mu Mudugudu wa Karema, Akagari ka Kavumu, Umurenge wa Busogo, Akarere ka Musanze haravugwa urupfu rw’umugabo witwa Niyonzima Joseph w’imyaka 57, wasanzwe yapfuye ari mu ishyamba.

Aya makuru kugira ngo amenyekane yatanzwe n’Umukuru w’Umudugudu wa Karema avuga ko nyakwigendera yari yagiye mu bukwe ku munsi wabanje, ariko ntiyagarutse mu rugo, kugeza ubwo mu gitondo cyo ku wa 11 Kanama 2025 batangiye gushakisha, bakamusanga mu ishyamba, yituye hasi ku mukingo, bikekwa ko yaguye ku ibuye, agahita apfa.

Bamwe mu baturage bavuga ko uwo mugabo byaba byatewe n’ubunyereri cyangwa se inzoga cyane ko muri kariya gace imvura mu ijoro ryo ku wa 10 Kanama 2025, haraye hagwa imvura idasanzwe, bakaba bakeka ko yaba yahuye n’ibinogo cyangwa se ubunyereri.

Umwe muri bo yagize ati: “Niyonzima yari umuntu ucisha make, wubaha abantu kandi utigeze agaragara mu bikorwa bibi. Aha turakeka byaba byatewe n’imvura yaguye nijro ikagubitiraho n’umwijima, kubera rero ko yaba yavuye mu bukwe bwije birashoboka ko ari yo mpamvu yaje kugira ikibazo akagwa ku kibuye twabonye hafi ye.”

Umuvugizi wa Polisi y’u Rwanda mu Ntara y’Amajyaruguru, IP Ignace Ngirabakunzi, na we yemeza koko ko amakuru bayamenyeshejwe n’Inzego z’ibanze zabibamenyesheje ko Niyonzima yasanzwe yapfuye ari mu ishyamba.

Yagize ati: “Ni byo koko, Niyonzima yasanzwe mu ishyamba yapfuye, ariko icyamwishe ntikiramenyekana. Iperereza riracyakomeza mu rwego rwo kumenya impamvu nyayo y’urupfu rwe. Turakangurira abaturage kwirinda ibikorwa bishobora gushyira ubuzima bwabo mu kaga.”

Kugeza ubu umurambo wa nyakwigendera wajyanywe ku bitaro bikuru bya Ruhengeri kugira ngo hamenyekane icyaba cyamwishe.

Sangiza abandi iyi nkuru
Ibitekerezo

Nta gitekerezo kiratangwa. Ba uwa mbere gutanga igitekerezo.

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27