Murindahabi Irene yasubije abibaza niba azagaruka mu Rwanda

Murindahabi Irene yasubije abibaza niba azagaruka mu Rwanda

Umunyamakuru umenyerewe cyane mu nkuru z’imyidagaduro Murindahabi Irene, yamaze impungenge abantu bibazaga ko azagaruka cyangwa azaguma muri Canada.

Uyu munyamakuru wanashinze inzu ifasha abahanzi ya M.I.E (Murindihabi Irene Empire), amaze iminsi igera kuri ibiri ashyize ifoto ku mbuga nkoranyambaga ze, agaragaza ko yageze mu gihugu cya Canada aho yagaragazaga ko agiye kuba ahaba nko mu rugo.

Mu butumwa bwaherekezaga iyo foto yagize ati “Shalom Canada, umuhungu wo mu Gatsata is in the Town. Canada my new home.”

Nyuma y’ibyo habayeho kwibaza byinshi ku bakunzi be ndetse bikanahwihwiswa ko atazagaruka, abandi bakibaza ku bya Dorcas na Vestine yari asanzwe areberera inyungu zabo.

Ku mugoroba w’itariki ya 18 Mata 2024, ni bwo Murindahabi yakoze ikiganiro akinyuza ku murongo we wa You Tube, avuga ko ari muri Canada ku bw’impamvu z’akazi, anahumuriza abibazaga niba azagaruka.

Ati: “Aha ndi ni rwagati neza mu gihugu cya Canada, naje gusura Abanyarwanda, gutembera no kumenya Canada cyane ko bidahindutse mu kwezi kwa munani Vestine na Dorcas bazaba bafite ibitaramo mu Mujyi witwa Montreal.”

Yongeraho ati: “Ubu murimo kwibaza ngo ndagaruka i Kigali, muhumure naje gutembera uyu Mujyi gusa, no gusura abakunzi bacu.”

Uyu munyamakuru yasezeranyije abakunzi b’abahanzi n’abakunda MI Empire muri rusange bari muri iki gihugu  guhura na bo bakaramukanya.

Sangiza abandi iyi nkuru
Ibitekerezo 1
Manishimwecharoni

Murahokadimurakomeye,mbanje
Kibasuhuzakadi,mbifurijekugira,umutsimwiza
,Kukimwiregagiza,ubakeneye,niyihemamvu

Andika igitekerezo

AMATEGEKO AGENGA IYANDIKA RY'IGITEKEREZO CYAWE

Inkuru ziheruka
  1. RSSB Tigers yatangiye nabi imikino mpuzamigabane ya FIBA 22 Nzeri 2026 Saa 12:59
  2. Umuramyi Eric Reagan Ngabo mu bahatanira igihembo muri America Gospel Talent 22 Nzeri 2026 Saa 12:51
  3. U Buyapani: Inkubi y’umuyaga yahitanye abantu bane, ica insinga z’amashanyarazi 22 Nzeri 2026 Saa 12:38
  4. Ibyo wamenya kuri FIBA Intercontinental Cup, RSSB Tigers yitabiriye  22 Nzeri 2026 Saa 10:47
  5. Nyagatare: Imvura idasanzwe yasenye inzu 30 n’icyumba cy’ishuri  22 Nzeri 2026 Saa 10:27